19

മ​ല​പ്പു​റം: തേ​ഞ്ഞി​പ്പ​ലം കാ​ക്ക​ഞ്ചേ​രി​യി​ൽ ലോ​ഡ്ജി​ൽ ല​ഹ​രി ചോ​ദി​ച്ചെ​ത്തി​യ സം​ഘം പ​ണ​വും മൊ​ബൈ​ൽ ഫോ​ണും ക​വ​ർ​ന്നു. പി​ടി​യി​ലാ​യ അ​ഞ്ചു പ്ര​തി​ക​ളും റി​മാ​ൻ​ഡി​ൽ.

പ്ര​തി​ക​ൾ ലോ​ഡ്ജി​ൽ എ​ത്തു​ന്ന സി​സി​ടി​വി ദൃ​ശ്യ​വും പോ​ലീ​സി​ന് ല​ഭി​ച്ചു. ഇ​ക്ക​ഴി​ഞ്ഞ ജൂ​ൺ 30ന് ​രാ​ത്രി​യി​ലാ​ണ് അ​ഞ്ചു പേ​ർ അ​ട​ങ്ങു​ന്ന സം​ഘം തേ​ഞ്ഞി​പ്പാ​ലം കാ​ക്ക​ഞ്ചേ​രി​യി​ലെ ലോ​ഡ്ജി​ൽ എ​ത്തി​യ​ത്.

റി​സ​പ്ഷ​നി​ൽ ഉ​ണ്ടാ​യി​രു​ന്ന ആ​ളോ​ട് എം​ഡി​എം​എ ആ​വ​ശ്യ​പ്പെ​ട്ടു. പി​ന്നാ​ലെ ത​ർ​ക്ക​മാ​യി. റി​സ​പ്ഷ​നി​ൽ ഉ​ണ്ടാ​യി​രു​ന്ന 1500 രൂ​പ​യും മൊ​ബൈ​ൽ ഫോ​ണും പ്ര​തി​ക​ൾ ബ​ലം പ്ര​യോ​ഗി​ച്ച് പി​ടി​ച്ചു​വാ​ങ്ങി. ശേ​ഷം കാ​റി​ൽ ക​യ​റി ക​ട​ന്നു ക​ള​ഞ്ഞു.

പരാതി ലഭിച്ചതിനെ തുടർന്ന് തേഞ്ഞിപ്പലം പോലീസ് വിശദമായ അന്വേഷണം നടത്തി. ലോഡ്ജിലെ സിസിടിവിയിൽ നിന്ന് പ്രതികൾ ലോഡ്ജിലേക്ക് വരുന്നതിന്‍റെ‍യും പോകുന്നതിന്‍റെയും ദൃശ്യം ലഭിച്ചു. ഇത് പ്രതികളെ കണ്ടെത്താൻ പോലീസിനെ സഹായകരമായി.

ചെട്ടിപ്പടി സ്വദേശി അക്കീബ്, പരപ്പനങ്ങാടി സ്വദേശി ജുനൈദ്, താനൂർ സ്വദേശി സഫുവാൻ, നായർത്തോട് സ്വദേശി മർഷാദ്, നെടുവ സ്വദേശി റമീസ് എന്നിവരെ കോടതിയിൽ ഹാജരാക്കി റിമാൻഡ് ചെയ്തു. ലോഡ്ജിലെ ജീവനക്കാർക്ക് ഈ പ്രതികളുമായി ഏതെങ്കിലും തരത്തിലുള്ള ബന്ധമുണ്ടോ എന്നതും പോലീസ് അന്വേഷിക്കും.